ԵՐԵՎԱՆ, 22 հոկտեմբերի – Sputnik. Այսօր՝ հոկտեմբերի 22-ին, ողբերգական ավտովթար է տեղի ունեցել Կոտայքի մարզում։ Կա զոհ։ Տեղեկությունը հայտնում է shamshyan.com–ը։
Կայքի տեղեկացմամբ` ժամը 15։00-ի սահմաններում ՎԱԶ 2107 մակնիշի ավտոմեքենան դեռևս անհայտ հանգամանքներում Երևան-Սևան ավտոճանապարհի Լեռնանիստ գյուղի վարչական տարածքում բախվել է կամրջի բետոնե հենապատին։
Վթարի հետևանքով ուղևորը տեղում մահացել է։
Փաստի առթիվ հարուցվել է քրեական գործ՝ ՀՀ քրեական օրենսգրքի 242–րդ հոդվածի 2-րդ մասի հատկանիշներով։
Ոստիկանությունն ու քննչական բաժինը պարզում են վարորդի, մահացած կնոջ և վիրավորի ինքնությունը։