ԵՐԵՎԱՆ, 18 հոկտեմբերի - Sputnik. Հնարավոր է` Թուրքիան ռուսական Սու-35 և Սու-57 կործանիչներ գնի։ Թուրքիայի պաշտպանական արդյունաբերության վարչության ղեկավար Իսմայիլ Դեմիրը հայտարարել է, որ այդ քայլին կգնան այն դեպքում, եթե ԱՄՆ-ն սառեցնի F-16-ի վաճառքը։ Տեղեկությունը հայտնում է ՌԻԱ Նովոստին։
«Եթե գործընթացն արդյունք չտա, ապա Թուրքիան առանց այլընտրանքի չի մնա։ Եթե անհրաժեշտ լինի, ապա ցանկացած պահի կարող է բացվել Սու-35 և Սու-57 թեման։ Մեր արդյունաբերությունն ամեն ինչ անում է, որպեսզի ապահովի մեր անվտանգությունը, և եթե հավելյալ բան է անհրաժեշտ, ապա մենք միշտ կարող ենք ելք գտնել», - ասել է Դեմիրը Kanal 7 հեռուստաալիքի եթերում։
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ նորագույն F-35 կործանիչների արտադրության ծրագրից հանելուց հետո ԱՄՆ-ն իր երկրին առաջարկել է F-16 կործանիչներ գնել: