Վթար Երևանում. «Mercedes»–ը բախվել է կայանված քարշակին. 24–ամյա վարորդը հիվանդանոցում է

ԵՐԵՎԱՆ, 17 հոկտեմբերի – Sputnik. Այսօր՝ հոկտեմբերի 17-ին, խոշոր ավտովթար է տեղի ունեցել Երևանում: Ժամը 00:40-ի սահմաններում 24-ամյա Ավագ Սահակյանը իր վարած «Mercedes« մակնիշի ավտոմեքենայով դուրս է եկել ճանապարհի երթևեկելի գոտուց և բսխվել «Ford Transit» մակնիշի ավտոմեքենայի կայանված քարշակին: Տեղեկությունը հայտնում է shamshyan.com-ը։

Վթարի հետևանքով Ա. Սահակյանը մարմնական վնասվածքներով տեղափոխվել է «Էրեբունի» բժշկական կենտրոն:

Փաստի առթիվ նյութեր են նախապատրաստվում:

Ոստիկանությունը պարզում է Mercedes-ի վարորդի և քարշակի սեփականատիրոջ ամբողջական տվյալները:

Հետաքննիչի հանձնարարականով ավտոմեքենան տեղափոխվել է պարեկային ծառայության Երևանի գնդի պահպանվող հատուկ տարածք: