ԵՐԵՎԱՆ, 16 հոկտեմբերի – Sputnik. Ճարպեր պարունակող մթերքն ամրացնում է անոթները, օգնում պահպանել գեղեցկությունն ու վերացնել բորբոքումները։ «Երեկոյան Մոսկվա» կայքի հետ զրույցում ասել է բժիշկ-դիետոլոգ Իրինա Պիսարևան։
Բժշկի խոսքով՝ այդ առումով ուշադրություն է արժանի ավոկադոն, որն 80 տոկոսով բաղկացած է սրտանոթային համակարգի աշխատանքը բարելավող օգտակար ճարպերից։ Միաժամանակ ավոկադոն նպաստում է խոլեստերինի մակարդակի իջեցմանը։
Սննդաբանի խոսքով՝ օգտակար են նաև ձիթապտղի, կոկոսի և կտավատի յուղերը։ Յուղոտ ձկները՝ սկումբրիան և սաղմոնի տարբեր տեսակները, պարունակում են օմեգա-3 ճարպաթթուներ, որոնք նվազեցնում են բորբոքումները։ Բացի այդ, յուղոտ ձուկը բարելավում է եղունգների և մազերի վիճակը։