ԵՐԵՎԱՆ, 14 հոկտեմբերի – Sputnik. Այսօր և առաջիկա երկու օրերին Հայաստանում առանց տեղումների եղանակ է սպասվում, 17-18-ը առանձին շրջաններում անձրև կգա, որը կուղեկցվի ամպրոպով։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։
«Օդի ջերմաստիճանն աստիճանաբար կբարձրանա 2-3, Լոռիում, Տավուշում, Սյունիքում և Արցախում՝ 4-6 աստիճանով»,– նշված է հաղորդագրության մեջ:
Այսօր Երևանում ցերեկային ժամերին օդի ջերմաստիճանը կտատանվի +25-ից +27-ի սահմանում, գիշերը կնվազի մինչև +9-ից +11։