Ռուս խաղաղապահները նոր մարդասիրական ակցիա են անցկացրել Արցախում

Կարիքավոր ընտանիքներին մթերք, հագուստ, կոշիկ, գրենական պիտույքներ են տրամադրվել:
Sputnik
ԵՐԵՎԱՆ, 13 հոկտեմբերի -Sputnik. ՌԴ ՊՆ մամուլի ծառայությունը հայտնում է, որ Լեռնային Ղարաբաղում ռուս խաղաղապահ զորախմբի զինծառայողները մարդասիրական օգնություն են ցուցաբերել բարդ կացության մեջ գտնվող բազմազավակ ընտանիքներին ու տեղի բնակիչներին:
Եթե Արցախի կարգավիճակի հարցը լուծված լիներ, ռուս խաղաղապահներն այնտեղ չէին լինի. քաղաքագետ
Մասնավորապես՝ խաղաղապահները «Մերսի» բարեգործական կազմակերպությունների ասոցիացիայի հետ Բերձորում ակցիա են անցկացրել։
Ռուս խաղաղապահ զորախմբի ներկայացուցիչ Սերգեյ Վլադիմիրովը նշել է, որ կարիքավոր ընտանիքներին տրամադրել են մթերային հավաքածուներ, հագուստ, կոշիկ, գրենական պիտույքներ:
«Այսօր Լաչինի միջանցքում ակցիա ենք անցկացրել ։ Ակցիան հիմնականում ուղղված էր բազմազավակ և միայնակ մայրերին, 10 ընտանիքի (մոտ 70 մարդ) ենք օգնել։ Բերել են 100 զույգ կոշիկ, ինչպես նաև մթերային հավաքածուներ։ Օգնությունը ցուցաբերվել է ռուս խաղաղապահ ուժերի հետ համատեղ, շատ շնորհակալ եմ նրանց», - ասել է բարեգործական կազմակերպության ներկայացուցիչ Ալեսյա Պոդոլսկայան։
Մինչ սպանությունը մարտակերտցին տրակտորով ռուս խաղաղապահի հետ մի քանի պտույտ է կատարել
Նա հույս է հայտնել, որ նման ակցիաները շարունակական կլինեն։
Ամսվա սկզբից խաղաղապահները բարեգործական կազմակերպությունների հետ չորս մարդասիրական ակցիա են իրականացրել Ստեփանակերտում, Մարտունիում, Հաթերքում ու Բերձորում։
«Յոթ երեխա ունեմ։ Ավագը տասնյոթ տարեկան է, կրտսերը՝ վեց։ Առաջին դասարանցիներին պարագաներ են տվել, դա նույնպես շատ է պետք։ Բազմազավակ ընտանիքների բոլոր երեխաներին կոշիկները տվեցին։ Շնորհակալություն, որ մեզ օգնում եք և հույս ունենք, որ շուտով ամեն ինչ կկարգավորվի», - շնորհակալություն է հայտնել Արցախի բնակչուհի Անուշ Ուշակովան։