ԵՐԵՎԱՆ, 13 հոկտեմբերի - Sputnik. Մագնեզիումը մարդու օրգանիզմի համար առավել կարևոր օգտակար հանքանյութերից է։ Այն անհրաժեշտ է աշնանային հիվանդությունների շրջանում իմունիտետն ամրապնդելու համար։ «Իզվեստիա» թերթի փոխանցմամբ՝ տեղեկությունը հայտնել է բժշկական գիտությունների թեկնածու, բժիշկ-սննդաբան Ռիմա Մոյսենկոն։
Մասնագետը նշել է, որ մագնեզիումի ցածր մակարդակի դեպքում խնդիրներ են առաջանում վահանաձև գեղձի հետ, որը պատասխանատու է իմունային համակարգի համար, ավելի վատ են արտադրվում կորտիզոլը (իմունիտետը խթանող հորմոն) ու ադրենալինը:
Ավելին, այս հանքանյութի պակասի դեպքում միջբջջային տարածությունն ավելորդ հեղուկով է լցվում, ինչը այտուցվածության, ավելորդ քաշի և ցելյուլիտի պատճառ է դառնում։
Սննդաբանի խոսքով՝ մագնեզիումի պակասն առավել կրիտիկական է աշնանը, երբ սեզոնային վարակները գլուխ են բարձրացնում։
Մարմնի մեջ մագնեզիումի պակասը որոշելու ամենաճիշտ միջոցը արյան հետազոտությունն է:
Ինչպես նշել է Մոյսենկոն, այս հանքանյութի դեֆիցիտը գրեթե միշտ կա նյարդային, անհավասարակշիռ, շուտ հոգնող մարդկանց մոտ:
Օրգանիզմում մագնեզիումի մակարդակը կարելի է բարձրացնել օգտագործելով մագնեզիում աղ, մագնեզիում վաննաներ ընդունելով։ Մանգնեզիում կա ընկույզի, հատապտուղների, կանաչ թեյի, սեխի մեջ: