Կովկասյան կենսաբազմազանության ապաստարանի (CWR) տարածքում տեղադրված թակարդ տեսախցիկները ֆիքսել են Նովա անունով հովազին, որն արդեն մեկ տարի է` մշտադիտարկվում է CWR-ի կողմից:
«Այն, որ նոր հովազը նկատվում է նույն տարածքում, վկայում է Կովկասյան կենսաբազմազանության ապաստանի ապահով և կերով հարուստ տարածք լինելու մասին գիշատիչ հովազի համար, և վերջինս մշտական բնակություն է հաստատել CWR-ում։ Սա մեծ ձեռքբերում է Հայաստանի բնաշխարհի և կենդանական աշխարհի պահպանման գործում»,– տարածած հաղորդագրության մեջ նշում է CWR-ը։
Հիշեցնենք, որ Նովա անունով հովազն առաջին անգամ նկարահանվել էր CWR տարածքում 1 տարի առաջ` 2020թ․-ի աշնանը։
Կովկասյան կենսաբազմազանության ապաստարանն ընդգրկում է շուրջ 10 000 հա պահպանվող տարածք և հարակից է «Խոսրովի անտառ» պետական արգելոցին: