ԵՐԵՎԱՆ, 13 հոկտեմբերի – Sputnik. Ամերիկացի աշակերտուհի Շեյն Քիլյուն արդեն երկու տարի է, ինչ զբաղվում է սահմանափակ հնարավորություններով կենդանիների համար հաշմանդամի սայլակներ պատրաստելով։ Կենդանիների պատանի պաշտպանի մասին հոդված է հրապարակել Good News Network–ը։
Աղջիկը սեփական ընկերությունն է հիմնել, որը ձեռքով պատրաստված և ոչ թանկ սայլակներ է առաջարկում շների, կատուների և հատուկ խնամքի կարիք ունեցող մյուս տնային կենդանիների համար։ Սարքերն իսկապես բավականին մատչելի գին ունեն, քանի որ աղջիկը միայն նյութերի գումարն է վերցնում։
Այսօրվա դրությամբ եռանդուն դեռահաս աղջնակը սայլակների մոտ մեկ դյուժին մոդել է հավաքել ամենատարբեր կենդանիների համար՝ պստլիկ չիխուախուայից մինչև հսկայական գերմանական դոգ։ Բացի շներից և կատուներից, Շեյնը տեղաշարժման յուրահատուկ միջոցներ է հորինել ոզնու և բադիկի համար։
Աշակերտուհին աշխատում է մի շարք ապաստարանների հետ, որոնք նախկինում չէին կարողանում հաշմանդամի սայլակներ ձեռք բերել իրենց խնամքի տակ գտնվող կենդանիների համար, բայց Շեյնի շնորհիվ իրավիճակը փոխվել է։