2021 թվականի Նոբելյան մրցանակակիրները․ ֆոտոշարք

1 / 16

Կոլաժում ներկայացված են բժշկության, քիմիայի, ֆիզիկայի ու գրականության 2021 թվականի Նոբելյան մրցանակների ութ դափնեկիրներ: Բժշկության Նոբելյան մրցանակի դափնեկիրներ Արտեմ Պատապուտյանն ու Դևիդ Ջուլիուսը, ֆիզիկայի Նոբելյան մրցանակի դափնեկիրներ Ջորջիո Պարիզին, Սյուկուրո Մանաբեն և Կլաուս Հասելմանը, քիմիայի Նոբելյան մրցանակի դափնեկիրներ Բենջամին Լիստն ու Դևիդ Մակմիլանը, գրականության Նոբելյան մրցանակի դափնեկիր Աբդուլռազակ Գուրնան։

2 / 16

Գերմանացի գիտնական Բենջամին Լիստը, որը Դևիդ Մակմիլանի հետ 2021 թվականին արժանացել է քիմիայի բնագավառում Նոբելյան մրցանակի։

3 / 16

Փրինսթոնի համալսարանի օդերևութաբան պրոֆեսոր Սյուկուրո Մանաբեն, որը ստացել է 2021-ի ֆիզիկայի նոբելյան մրցանակի մի մասը, մամուլի ասուլիսի ժամանակ։ Ստեֆան Ֆուեգլիստալերն ու Դեբորա Պրենտիսը ծափահարում ու շնորհավորում են նրան։ Փրինսթոնի համալսարանում, Նյու Ջերսի, ԱՄՆ, 2021 թվականի հոկտեմբերի 5

4 / 16

Գերմանացի Կլաուս Հասելմանն իր կնոջ՝ Սյուզաննայի ու դստեր՝ Անետի հետ լուսանկարվում է 2021 թվականի ֆիզիկայի Նոբելյան մրցանակ ստանալուց հետո, Գերմանիայի Համբուրգ քաղաքի իր տանը, 2021 թվականի հոկտեմբերի 5-ին:

5 / 16

Ձախից աջ՝ Փրինսթոնի համալսարանի Նոբելյան մրցանակի դափնեկիրներ Էրիկ Ֆրենսիս Վիշաուսը, կենսաբան Ջոզեֆ Հութոն Թեյլոր-կրտսերը, աստղաֆիզիկոս Դևիդ Վ. Կ. Մակմիլանը, ֆիզիկոս Դունկան Հոլդեյնը, տնտեսագետ Անգուս Դիտոնը և տնտեսագետ Քրիստոֆեր Սիմսը խմում են Մակմիլանի կենացը։

6 / 16

Տանզանացի գրող Աբդուլռազակ Գուրնան, 2021 թվականի գրականության Նոբելյան մրցանակի դափնեկիր, Մեծ Բրիտանիայի Քենթերբերի քաղաքի իր տանը, 2021 թվականի հոկտեմբերի 7-ին:

7 / 16

Իտալացի գիտնական ու ֆիզիկոս Ջորջիո Պարիզին տոնում է իր հաղթանակը։ Ճապոնա-ամերիկյան գիտնական Սյուկուրո Մանաբեն, Կլաուս Հասելմանը Գերմանիայից ու Ջորջիո Պարիզին Իտալիայից 2021 թվականի հոկտեմբերի 5-ին ֆիզիկայի բնագավառում Նոբելյան մրցանակ են ստացել կլիմայի մոդելների ու ֆիզիկական համակարգերի ընկալման համար:

8 / 16

Փրինսթոնի համալսարանի պրոֆեսոր Դևիդ Մակմիլանը, որը Բենջամին Լիստի հետ 2021 թվականի քիմիայի բնագավառում Նոբելյան մրցանակ է ստացել, տոնում է այդ իրադարձությունը։

9 / 16

Փրինսթոնի համալսարանի պրոֆեսոր Դևիդ Մակմիլանը, որը Բենջամին Լիստի հետ 2021 թվականի քիմիայի բնագավառում Նոբելյան մրցանակ է ստացել, զրուցում է լրագրողների հետ։

10 / 16

Սյուկուրո Մանաբեն (աջից) Նյու Ջերսի նահանգի Փրինսթոնի իր տանը զրուցում է լրագրողների հետ երեքշաբթի, 2021 թվականի հոկտեմբերի 5-ին:

11 / 16

Գերմանացի գիտնական Բենջամին Լիստը, որը Դևիդ Մակմիլանի հետ 2021 թվականին արժանացել է Նոբելյան մրցանակի քիմիայի բնագավառում, տոնում է հաղթանակը։

12 / 16

Ռուսական «Նովայա գազետա» անկախ թերթի գլխավոր խմբագիր, 2021 թվականի Խաղաղության Նոբելյան մրցանակի դափնեկիր Դմիտրի Մուրատովը հանդիպում է լրագրողների հետ թերթի գրասենյակի մոտ (2021 թվականի հոկտեմբերի 8), Մոսկվա

13 / 16

Ֆիզիկայի բնագավառում Նոբելյան մրցանակի դափնեկիր, իտալացի գիտնական Ջորջիո Պարիզին Հռոմի իր գործընկերների հետ սելֆի է անում 2021 թվականի հոկտեմբերի 5-ին:

14 / 16

Ամերիկահայ Արդեմ Պատապուտյանը լուսանկարվում է իր գրասենյակում։

15 / 16

Հերման Կլաուս Հասելմանը 2021 թվականի ֆիզիկայի Նոբելյան մրցանակ ստանալուց հետո Գերմանիայի Համբուրգի Մաքս Պլանկի ինստիտուտում։

16 / 16

1936 թվականի Խաղաղության Նոբելյան մրցանակի մեդալը

Հայտնի են 2021 թվականի Նոբելյան մրցանակի բոլոր դափնեկիրները։

Հայաստանի համար գլխավոր նորությունն այն է, որ նոբելյան մրցանակակիր է դարձել հայ գիտնականը։ Ամերիկացի ֆիզիոլոգ Դևիդ Ջուլիուսը ու ամերիկահայ Արտեմ Պատապուտյանը դարձել են ֆիզիոլոգիայի ու բժշկության գծով մրցանակի դափնեկիրներ նյարդային ռեցեպտորների հայտնաբերման և ուսումնասիրման համար։ Այդ ռեցեպտորները շրջակա միջավայրի մեխանիկական ազդանշանները վերածում են էլեկտրական ազդանշանների և ուղարկում ուղեղին: Դա թույլ է տալիս ավելի լավ հասկանալ շոշափելու ու զգացողությունների էությունն ինչպես մարդու, այնպես էլ այլ կենդանի օրգանիզմներ մոտ։

Լող, ձիավարում, թիավարում, հոկեյ. Վլադիմիր Պուտինի նախասիրությունները` լուսանկարներով

Քիմիայի բնագավառում դափնեկիրներ են դարձել գերմանացի գիտնական Բենիամին Լիստն ու ամերիկացի Դավիթ Մակմիլանը նոր տեսակի օրգանական կատալիզատորների ստեղծման ու բարդ ասիմետրիկ մոլեկուլներ ստանալու համար։ Դրանք կարևոր են դեղագործության և այլ տեխնոլոգիաների բնագավառում:

Ֆիզիկայի բնագավառում Նոբելյան մրցանակի են արժանացել ճապոնացի գիտնական (ԱՄՆ-ում աշխատող) Սյուկուրո Մանաբեն, գերմանացի Կլաուս Կասելմանը և իտալացի Ջորջո Պարիզին՝ գլոբալ տաքացման ֆիզիկական մոդելների հաշվարկների համար:

Պատերազմի տարելից, հրաժեշտ Հայկոյին, տարածաշրջանային զարգացումներ. շաբաթը` լուսանկարներում

Գրականության գծով մրցանակը ստացել է Աբդուլրազակ Գուրնան Տանզանիայից։ Նա բնակվում է Մեծ Բրիտանիայում, հետգաղութատիրական գրականության ներկայացուցիչ է (այդ ուղղությունն ավելի լավ հայտնի է հայ ընթերցողին Սալման Ռուշդիի գրքերից):

Խաղաղության մրցանակը ստացել են ռուսաստանցի ընդդիմադիր լրագրող, «Նովայա գազետայի» գլխավոր խմբագիր Դմիտրի Մուրատովն ու ֆիլիպինյան ծագում ունեցող ամերիկացի լրագրող Մարիա Ռեսան: