Հայտնի է` որն էր «Ֆեյսբուքի» համատարած խափանման պատճառը

ԵՐԵՎԱՆ, 5 հոկտեմբերի – Sputnik. Facebook-ի աշխատանքի խափանումը պայմանավորված է եղել մագիստրալային երթուղիչներում փոխդասավորության փոփոխություններով։ Այդ մասին հայտնում է ՌԻԱ Նովոստին՝ հղում անելով ընկերության ինժեներներին։

«Մեր տվյալների մշակման կենտրոնների միջև ցանցային հոսքի համակարգման համար պատասխանատու մագիստրալային երթուղիչներում փոխդասավորության փոփոխությունները հանգեցրել են խնդիրների, որոնք ընդհատել են կապը», - նշվում է հաղորդագրության մեջ:

(Ավելի պարզ ասած` ինչ-որ պահի Facebook-ը «վերցրել» է քարտեզը, որն աշխարհի համակարգիչներին հուշում էր տարբեր առցանց օբյեկտներ գտնելու ճանապարհը։ Արդյունքում, երբ մենք բրաուզերում փնտրում էինք Facebook.com, այն պատկերացում չուներ, թե որտեղ պետք է «փնտրի» Facebook-ը-KrebsonSecurity)

Ընկերությունում պարզաբանել են, որ ցանցային հոսքի այդ խափանումը կասկադային ազդեցություն է ունեցել տվյալների մշակման կենտրոնների կապի տեսակի վրա, ինչը հանգեցրել է ծառայությունների աշխատանքի դադարեցմանը:

Հիշեցնենք, որ Facebook-ը, Instagram-ը, WhatsApp-ը և ընկերությանը պատկանող մի շարք այլ հավելվածներ երկուշաբթի օրը գրեթե յոթ ժամով անհասանելի են օգտատերերի համար:

Facebook-ի համար, ըստ Downdetector-ի, սա պատմության մեջ ամենամեծ խափանումն էր: Տեղի ունեցածի ֆոնին սոցիալական ցանցի բաժնետոմսերի աեքն ընկել է գրեթե 5 տոկոսով, իսկ դրա հիմնադիր Մարկ Ցուկերբերգը կորցրել է գրեթե 7 մլրդ դոլար: