ԵՐԵՎԱՆ, 3 հոկտեմբերի – Sputnik. Խնձորն ընդհանուր առմամբ շատ օգտակար է օրգանիզմին, սակայն որոշ մարդկանց համար մեծ քանակությամբ խնձոր ուտելը կարող է վտանգ ներկայացնել։ RT-ի հետ զրույցում այդ մասին պատմել է բժիշկ-դիետոլոգ Ելենա Սոլոմատինան:
Նրա խոսքով` խնձորի մեջ օգտակար տարրերը շատ են` ներառյալ կվերցետինը, որն ամրացնում է անոթներն ու բորոբոքումները չեզոքացնում, բացի այդ, կա պեկտին, որն էլ նպաստում է օրգանիզմից տոքսիկ նյութերի և խոլեստերինի ավելցուկների դուրսբերմանը: Սակայն, մասնագետի խոսքով, որոշ դեպքերում թարմ խնձորի չափից շատ օգտագործումը կարող է վնաս հասցնել։
«Թարմ խնձորները շատ օրգանական թթուներ են պարունակում, որոնք արագացնում են նյութափոխանակությունը։ Հարցն այն է, որ մի կողմից թթուներն օգտակար են, մյուս կողմից, դրանք կարող են տհաճ զգացողություններ առաջացնել բարձր թթվայնություն ունեցող մարդկանց մոտ: Հատկապես թթու խնձորները վտանգավոր են աղեստամոքսային տրակտ ունեցողների համար»,–ասել է Սոլոմատինան:
Նա հավելել է, որ փռում եփած կամ էլ չորացրած խնձորները նույնպես օգտակար են, քանի որ կալիում և երկաթ են պարունակում։ Այնուամենայնիվ, ըստ դիետոլոգի, շատ քաղցր պտուղներ չափից շատ ուտել նույնպես պետք չէ, հատկապես դիաբետիկների համար։