ԵՐԵՎԱՆ, 3 հոկտեմբերի – Sputnik. Հիդրոօդերևութաբանության և մոնիթորինգի կենտրոնը հրապարակել է հոկտեմբեր ամսվա եղանակային կանխատեսումը։
Դրա համաձայն, ջերմաստիճանն ամսվա ընթացքում կշարունկի նվազել, կավելանան ամպամածությունները, անձրևներն ու մառախուղները, հիմնականում` Զանգեզուրի լեռնաշղթայի արևելյան լանջերին:
Բայց պարզ օրերը դեռ գերակշռող կլինեն։
Օդերևութաբանները տեղումների քանակը հոկտեմբերին կանխատեսում են միջին ամսական նորմային մոտ, բայց և հիշեցնում են հոկտեմբերը տարվա երկրորդ ամենատեղումնառատ ամիսն է մայիսից հետո։
Ինչ վերաբերում է օդի ջերմաստիճանին, ըստ կանխատեսումների, այն մայրաքաղաքում միջինը կլինի +12...+14 աստիճան։ Առաջին տասնօրյակում առանձին օրեր ջերմաստիճանը ցերեկը Երևանում կարող է բարձրանալ մինչև +26...+28, բայց ամսվg վերջին օրերին` երրորդ տասնօրյակում, գիշերային ժամերին այն կնվազի մինչև +2...+4 աստիճան։
Շիրակի ու Գեղարքունիքի մարզերում, Արագածոտնի և Կոտայքի լեռնային շրջաններում առանձին օրեր հնարավոր է օդի ջերմաստիճանը ցերեկը կարող է գրանցվել մինչև +20...+23 աստիճան, իսկ ամսվա վերջին գիշերային ջերմաստիճանը կիջնի 0-ից ցածր` մինչև -2...-5։
Լոռու մարզում ևս ամսվա սկիզբը աչքի կընկնի ջերմ օրերով, օդի ջերմաստիճանը ցերեկային ժամերին կբարձրանա մինչև +22...+25, իսկ երրորդ տասնօրյակում գիշերը կնվազի մինչև 0...+3 աստիճան։
Տավուշում ևս ամիսը կսկսվի մինչև +25...+28 աստիճան ցերեկային ջերմությամբ, իսկ ամսվա վերջում գիշերային ժամերին կնվազի մինչև +2...+5 աստիճան։
Վայոց Ձորի մարզի նախալեռնային շրջաններում ցերեկները կգրանցվի +26...+28 աստիճան ջերմություն, լեռնային շրջաններում՝ +20...+23։ Իսկ ամսվա վերջին տասնօրյակում գիշերը նախալեռնային շրջաններում կգրանցվի մինչև +1...+3, լեռնային շրջաններում` -2...-5 աստիճան նվազում։
Սյունիքի հովտային շրջաններում ևս առանձին օրերի ջերմաստիճանը կարող է հասնել +26...+30–ի, նախալեռնային շրջաններում՝ +20...+24։ Իսկ նոյեմբերին մոտ գիշերային ժամերին հովտային շրջաններում ջերմաստիճանը կնվազի մինչև` +2...+5, նախալեռնային շրջաններում` 0...-3 աստիճան։