ԵՐԵՎԱՆ, 1 հոկտեմբերի - Sputnik. Սննդի մասնագետ Տատյանա Զալետովան Sputnik ռադիոկայանի հետ զրույցում ասել է՝ ինչպես հրաժարվել կամ գոնե կրճատել սուրճի օգտագործումը, որի չարաշահումը կարող է առողջական խնդիրներ առաջացնել:
Այսպես, սննդաբանի խոսքով, որպես այլընտրանք կարելի է օգտագործել եղերդակը (цикорий), որը շատ նման է սուրճին ինչպես համով, այնպես էլ գույնով, բայց առույգացնող ազդեցություն չունի։
Զալետովան պարզաբանել՝ քանի որ եղերդակը կոֆեին չի պարունակում, այն գործում է ավելի շուտ հոգեբանական մակարդակով, այնպես որ այն կարող են օգտագործել հիպերտոնիկներն ու մարդիկ, որոնք տառապում են օստեոպորոզից ու խնդիրներ ունեն կալցիումի յուրացման հետ։
Եղերդակին պետք է ուշադրություն դարձնեն նաև մարդիկ, որոնք ունեն ուշադրության դեֆիցիտի համախտանիշ, քրոնիկ հոգնածության համախտանիշ, կախվածություն կոֆեինից։ Ենթաստամոքսային գեղձի հիվանդությունները նույնպես ուղղակի ցուցում են սուրճից հրաժարվելու համար։
Սուրճի օգտագործումը կրճատելու ամենապարզ միջոցը քնի ու հանգստի ռեժիմի կարգավորումն է: Բժիշկը խորհուրդ է տալիս մարդկանց չհասցնել իրենց այն վիճակի, երբ մշտապես անհրաժեշտ է կոֆեինի խթան ստանալ: Բացի այդ, կարելի է օգտագործել սնունդ, որը խթանում է նյարդային համակարգը, բայց ավելի մեղմ (համեմունքներ, եթերային յուղեր, ցիտրուսային մրգեր և այլն)։