ՀՀ նախագահը պաշտոնից ազատել է Վազգեն Սարգսյանի անվան ռազմական համալսարանի պետին

ԵՐԵՎԱՆ, 1 հոկտեմբերի – Sputnik. ՀՀ նախագահ Արմեն Սարգսյանը Խաչատուր Խաչատրյանին ազատել է Վազգեն Սարգսյանի անվան ռազմական համալսարանի պետի պաշտոնից։

«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 1-ին մասի 11-րդ կետի.
Խաչատուր Խաչատրյանին ազատել Հայաստանի Հանրապետության պաշտպանության նախարարության Վազգեն Սարգսյանի անվան ռազմական համալսարանի պետի պաշտոնից»,– նշված է հրամանագրում:

Հիշեցնենք` Խաչատրյանը համալսարանի պետ էր նշանակվել 2019 թվականի ապրիլին։