Հայաստանում սիրո ալիքը գլխով ծածկեց մեզ. Եվգենի Կիսինը կնոջ հետ այցելել է Գեղարդ և Սևան

ԵՐԵՎԱՆ, 1 հոկտեմբերի — Sputnik. Աշխարհահռչակ դաշնակահար Եվգենի Կիսինը վերջերս Հայաստան կատարած այցի ժամանակ տիկնոջ՝ Կարինա Արզումանովայի հետ այցելել է Գեղարդ, Սևանա լիճ և Սևանավանք։

Համապատասխան լուսանկարները Instagram-ի իր էջում հրապարակել է երաժշտի կինը։

«Դե ինչ ասեմ։ Հայաստանում սիրո ալիքը նորից գլխով ծածկեց մեզ... երրորդ դարում կառուցված ժայռափոր վանքը։ Անձեռնմխելի, համեստ, շքեղ և գեղեցիկ. սարեր, մայրամուտ, երջանկության արցունքներ»,–գրել է նա։

Մի շարք լուսանկարներ արվել են նաև Սևանա լճում։

Եվգենի Կիսինը Հայաստանում էր սեպտեմբերի 26-29-ը։ Երևանի բնակիչները հնարավորություն են ստացել վայելելու լեգենդար դաշնակահարի վիրտուոզ կատարումը։

Եվգենի Կիսինն ու Կարինա Արզումանովան ամուսնացել են 2017-ի մարտի 10-ին` Պրահայում։ Հայտնի է, որ Եվգենին և Կարինան մանկուց ծանոթ են ու լավ ընկերներ են: