ԵՐԵՎԱՆ, 30 սեպտեմբերի – Sputnik. Այսօր Հայաստանի առանձին շրջաններում անձրև կգա, որը կուղեկցվի ամպրոպով։ Տեղեկությունը հայտնում է ՀՀ արտակարգ իրավիճակների նախարարությունը։
Առանձին վայրերում սպասվում է քամու ուժգնացում՝ 15-20 մ/վ արագությամբ:
Օդի ջերմաստիճանը մինչև հոկտեմբերի 1-ն աստիճանաբար կնվազի 6-9 աստիճանով:
ԱԻՆ–ի հրապարակած աղյուսակի համաձայն` ամենացածր ջերմաստիճանն այսօր կգրանցվի Լոռիում` +10-ից +13։
Երևանում անձրև կտեղա երեկոյան ժամերին։ Ցերեկը օդի ջերմաստիճանը կտատանվի +20-ից +22–ի սահմանում, գիշերը կնվազի մինչև +10-ից +12։