ԵՐԵՎԱՆ, 20 սեպտեմբերի - Sputnik. Ռուսաստանի վարչապետ Միխայիլ Միշուստինը հայտարարել է, որ պետք է պատրաստվել ավանդական վառելիքի՝ նավթի, գազի և ածուխի օգտագործման փուլային կրճատմանը, որպեսզի ադապտացվեն այլընտրանքային վառելիքի տեսակների կիրառմանը։ Տեղեկությունը հայտնում է «Կոմսոսմոլսկայա պրավդան»:
«Համաշխարհային տնտեսությունը միտված է աստիճանական անցում կատարել ցածր ածխածնային էներգետիկային։ Եվ սա արդեն նոր իրականություն է», - ասել է Միշուստինը։
Նա կարծում է, որ անհրաժեշտ է զարգացնել այլընտրանքային էներգետիկան, բարձրացնել էներգաարդյունավետությունը, ինչպես նաև կառուցել համապատասխան ենթակառուցվածք:
Միշուստինը նաև հայտարարել է, որ մինչև այս տարվա վերջ պահանջվում է մշակել և հաստատել ռուսական տնտեսությունը գլոբալ էներգետիկ անցմանը ադապտացնելու գործողությունների ամփոփ պլանը: