ԵՐԵՎԱՆ, 16 սեպտեմբերի – Sputnik. Այսօր ողբերգական դեպք է տեղի ունեցել Սյունիքի մարզում։ Ժամը 12։40-ի սահմանում Լեհվազ գյուղի կենտրոնական փողոցում նույն գյուղի բնակիչ, 37-ամյա Ռայմոնդ Պետրոսյանն իր վարած ամբարձիչով վրաերթի է ենթարկել նույն գյուղի բնակիչ, 6 տարեկան Անետա Խաչատրյանին։ Տեղեկությունը հայտնում է shamshyan.com–ը։
Ըստ կայքի` երեխան, որը սովորում էր նշված գյուղի դպրոցում, տեղում մահացել է։
Քննիչի հանձնարարականով ամբարձիչը տեղափոխվել է ոստիկանության Մեղրիի բաժնի պահպանվող հատուկ տարածք։
Քրեական գործ է հարուցվել։