ԵՐԵՎԱՆ, 15 սեպտեմբերի - Sputnik. Ճանաչված դիմահարդար Գոհար Ավետիսյանն ու նրա ամուսինը` Սերգեյ Գրիգորյանը, միասին են նիհարում։ Դիմահարդարը Instagram–ի իր էջում ամուսնու հետ լուսանկար է հրապարակել ու պարծեցել իրենց արդյունքով։
«Մենք այսօր ձեզ հետ միասին հանդիսավորությամբ նշում ենք -22 կգ–ը։ Մեզնից յուրաքանչյուրը նիհարել է 11 կգ, շուտով դուք մեզ չեք ճանաչի, միասին ավելի ուրախ է նիհարելը, համաձա՞յն եք»,–գրել է Գոհարը։
Դիմահարդարի հետևորդները բազմաթիվ դրական մեկնաբանություններ են գրել։ «Հրաշք եք։ Ինչ լավն եք։ Շատ սիրուն եք»,– նշել են նրանք։
Հիշեցնենք` Գոհարն առաջին ամուսնուց՝ Վահիկ Մարտիրոսյանից, բաժանվեց ամուսնությունից երկու տարի անց։ Ավելի ուշ նա ամուսնացավ Սերգեյ Գրիգորյանի հետ, և ծնվեց նրանց որդին` Գասպարը։
Հիշեցնենք նաև, որ Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ Գոհարն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Ավետիսյանը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։ Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։