ԵՐԵՎԱՆ, 14 սեպտեմբերի - Sputnik. ՀՀ ՊՆ N զորամասի մարտական հերթապահություն ընթացքում հրազենային մահացում վիրավորում ստացած և հրազենային վնասվածք ստացած զինծառայողների գործով ձերբակալվել է ծառայակիցը։ Տեղեկությունը հայտնում է ՀՀ քննչական կոմիտեի մամուլի ծառայությունը։
Նշվում է, որ սեպտեմբերի 13-ին՝ ժամը 22:00-ի սահմաններում, ՀՀ ՊՆ N զորամասի պահպանության տեղամասի մարտական դիրքում՝ մարտական հերթապահություն իրականացնող մեկ զինծառայողի հրազենային մահացու վնասվածք ստանալու և մեկ զինծառայողի հրազենային վնասվածքներ ստանալու դեպքի առթիվ ՀՀ քննչական կոմիտեի զինվորական քննչական գլխավոր վարչության իններորդ կայազորային քննչական բաժնում ՀՀ քրեական օրենսգրքի 365-րդ հոդվածի 3-րդ մասով (մարտական հերթապահություն կամ մարտական ծառայություն կրելու կանոնները խախտելը) հարուցված քրեական գործով ձերբակալվել է ծառայակիցը:
Հիշեցնենք` shamshyan.com–ն ավելի վաղ հայտնել էր, որ երեկ` ժամը 22։00-ի սահմանում, ՀՀ պաշտպանության նախարարությունը տեղեկություններ է ստացել, որ Կապանի "պոստերից" մեկում հնչել են կրակոցներ։ Ըստ կայքի տվյալների՝ կա կասկածյալ, որի արձակած կրակոցների հետևանքով 1 հոգի մահացել է, 1–ն էլ` հրազենային վիրավորում է ստացել։ Այսօր ՀՀ պաշտպանության նախարարությունը հաղորդագրություն տարածեց, որ մահացու հրազենային վիրավորում է ստացել պահեստազորի սերժանտ, 1978թ. ծնված Մկրտիչ Սերյոժայի Հովակիմյանը։