ԵՐԵՎԱՆ, 11 սեպտեմբերի – Sputnik. ՌԴ Լիպեցկի մարզի Ելեց քաղաքի մոտ գտնվող երկհարկանի տներից մեկում այս գիշեր գազի պայթյունից հետևանքով կառույցի մի մասը փլուզվել է, մահացածներ կան։ Տեղեկությունը հայտնում է ՌԻԱ Նովոստին։
Սոլիդարնոստ ավանի Շկոլնայա փողոցում գրանցված պատահարի մասին հայտնի է դարձել 00։52-ին։
Նախնական տվյալներով՝ տուժել է վեց մարդ, որոնցից մեկը երեխա է, հինգ հոգու հոսպիտալացրել են, նրանց վիճակը գնահատվում է միջին ծանրության:
Պայթյունից հետո հայտնաբերվել են երկու մահացածների՝ 1971 թվականին ծնված կնոջ և 11–ամյա աղջկա մարմինները:
Այժմ փրկարարները որոնում են երկու մարդու, որոնք կարող են փլատակների տակ լինել։
Այդ տանը գրանցված 47 մարդ կա, բայց ոչ բոլորն են այնտեղ ապրում։ Ինչպես նշել են տեղական իշխանությունները, 1970 թվականին կառուցված շենքը վթարային չի եղել։
Արտակարգ պատահարի հետևանքների վերացմանը ընդգրկվել են շուրջ 260 մարդ և 58 միավոր տեխնիկա: Դեպքի առթիվ հարուցվել է քրեական գործ՝ անվտանգության պահանջներին չհամապատասխանող ծառայություններ մատուցելու հոդվածով։