ԵՐԵՎԱՆ, 10 սեպտեմբերի - Sputnik. Բորտուղեկցորդուհիները խոստովանել են, թե ինչու են բարևում ինքնաթիռ նստող յուրաքանչյուր ուղևորի։ Տեղեկությունը հայտնում է բրիտանական The Sun–ը:
Բորտուղեկցորդուհի Քեթ Քամալանիի խոսքով՝ դա միայն բարեհամբույր լինելու հարց չէ։
«Երբ դուք ինքնաթիռ եք նստում, տեսնում եք մեր ժպտացող դեմքը։ Իրականում այդ պահին մենք ձեզ ոտքից գլուխ ուսումնասիրում ենք` փնտրելով այնպիսի մարդկանց, որոնք կօգնեն մեզ արտակարգ դեպքերում», — ասել է նա։
Քերի Բրեդլին, որը 12 տարի ուղեկցորդուհի է աշխատել, բացատրել է, որ ողջունելով ուղևորներին ու նրանց վայրէջքի կտրոնները ստուգելով, արագ գնահատում է, թե որքան լավ են նրանք իրենց զգում, արդյոք առողջ տեսք ունեն և ինչ ֆիզիկական վիճակում են գտնվում:
Բորտուղեկցորդուհին ասել է` թռիչքի ժամանակ հաճախ է խոսում ուղևորների հետ, որ ևս մեկ անգամ համոզվի, որ նրանք կարող են օգնել արտակարգ իրավիճակում:
Ավելի վաղ AdMe.ru-ն գրել էր, որ բորտուղեկցորդները ողջույնների միջոցով յոթ կետով ստուգում են ուղևորներին:
1. Կօգնի (չի օգնի): Եթե դուք լավ ֆիզիկական մարզավիճակում եք, բորտուղեկցորդուհին անպայման դա կնշի և կհիշի՝ որտեղ եք նստած, եթե արտակարգ իրավիճակների ժամանակ ձեր կարիքը լինի։
2. Ալկոհոլի ազդեցություն։ Եթե ուղևորը հարբած է կամ գտնվում է թմրանյութերի ազդեցության տակ, բորտուղեկցորդուհին կարող է թույլ չտալ նրան ինքնաթիռ նստել։
3. Հիվանդություն։ Ի՞նչ տեսք ունի ուղևորը: Ուղևորի առողջական խնդրի մասին ավելի լավ է իմանալ մինչև օդ բարձրանալը:
4. Գործընկերներ։ Թռիչքից առաջ բորտուղեկցորդուհիները փորձում են պարզել՝ արդյո՞ք ուղևորներ շարքում կան ավիաընկերությունների աշխատակիցներ, որոնք կօգնեն իրենց արտակարգ իրավիճակի դեպքում:
5. Աէրոֆոբիա։ Բորտուղեկցորդների համար կարևոր է իմանալ, թե ուղևորներից ով է սարսափում թռիչքից։
6. Ֆիզիկական առանձնահատկություններ։ Ուղևորների շրջանում ֆիզիկական առանձնահատկություններով ու սահմանափակ հնարավորություններով մարդկանց անհրաժեշտ է նախապես հայտնաբերել: Նրանց չի կարելի վթարային ելքերի մոտ նստել ։
7. Ձեռքի մեծ ուղեբեռ։ Այն մարդը, որը հսկայական պայուսակ ունի, կարող է հրահրել, որ թռիչքը հետաձգվի. չէ՞ որ դեռ պետք է նման ուղեբեռի համար տեղ գտնել։