Facebook սոցիալական ցանցի հայկական տիրույթում զվարճալի տեսանյութ է տարածվում, որի գլխավոր հերոսները ուղտերն են։ Կենդանիները քայլում են Մեղրիի փողոցներով`զարմացնելով անցորդներին։
Տեսանյութի մեկնաբանություններում սոցցանցային օգտատերերը զվարճալի գրառումներ են արել։
«Ուզում են Առաքելի խանութ մտնե՞ն առևտրի», «Մետաքսի ճանապարհը վերաբացվե՞ց», «Էս մարդու խելքը չկտրեց` մի քանի օր ուղտերին Մեղրիում պահի, փող աշխատի, մարդիկ կպատկերացնեին, թե Եգիպտոսում են»,– գրել են նրանք։
Տեսագրությունը շատ արագ տարածվում է սոցցանցերում։ Այն տարածել են ավելի քան 600 օգտատերեր։