ԵՐԵՎԱՆ, 9 սեպտեմբերի – Sputnik. «Հրազդան» ՔԿՀ-ում կանխվել է խոշոր չափի թմրամիջոցի փոխանցման փորձը։ Այս մասին տեղեկանում ենք քրեակատարողական ծառայության պաշտոնական էջից։
«Սեպտեմբերի 09-ին՝ ժամը 05։40-ի սահմաններում, «Հրազդան» քրեակատարողական հիմնարկի ծառայողի կողմից նկատվել է կասկածելի շարժ հիմնարկի հիմնական պատի շրջակայքում։ Անմիջապես կատարվել է տարածքի զննում և վերոնշյալ հատվածից հայտնաբերվել են 1 փաթեթ և 2 թելի կոճ, որոնց միջոցով դատապարտյալները փորձել են փաթեթը ներքաշել իրենց խուց»,–նշված է հաղորդագրության մեջ։
Փաթեթի զննությամբ հայտնաբերվել են 2 բջջային հեռախոս և մարիխուանա տեսակի թմրամիջոցին նմանվող, 58․85 գրամ քաշով 5 առանձնացված փաթեթներով զանգված։
Փաստի առթիվ նախապատրաստվում են նյութեր, նշանակվել է դատաքիմիական փորձաքննություն։