«Հայաստան, հուպ տուր». երկրպագուները ոգևորում են Հայաստանի հավաքականին. տեսանյութ

Լիխտենշտեյնի հետ հանդիպումից առաջ Հայաստանի ազգային հավաքականի երկրպագուները ոգևորում են մեր ֆուտբոլիստներին։ Նշենք, որ խաղը կմեկնարկի 20։00–ին Վազգեն Սարգսյանի անվան մարզադաշտում։

Երկրպագուները, այդ թվում՝ FAF-ի ակտիվիստները, մարզադաշտ են գնում երգելով ու գունավոր ճայթուկներով։ «Հայաստան, հուպ տուր»,–վանկարկում են նրանք։

Sputnik Արմենիան նկարահանել է դեպի մարզադաշտ քայլերթով գնացող երկրպագուներին։ Նրանք հավատարիմ են Հայաստանի ազգային հավաքականին նույնիսկ Գերմանիայի հավաքականի հետ խաղում կրած ծանր պարտությունից հետո (0:6):

Հիշեցնենք, որ ԱԱ-2022-ի ընտրական փուլի 6-րդ տուրում Հայաստանի հավաքականը սեփական հարկի տակ է ընդունում Լիխտենշտեյնին։