ԵՐԵՎԱՆ, 6 սեպտեմբերի – Sputnik. Արագ շախմատի «Aimchess US Rapid» առցանց մրցաշարում հայ գրոսմայստեր Լևոն Արոնյանը զբաղեցրեց երրորդ տեղը։ Տեղեկությունը հայտնում է armsport.am-ը։
Մրցաշարի կիսաեզրափակիչում իրանցի Ալիրեզա Ֆիրուջան հրաժարվեց մասնակցել երրորդ տեղի համար մրցախաղին, այդպիսով երրորդ տեղը զբաղեցրեց Արոնյանը։
Իսկ ահա մրցաշարի հաղթող դարձավ աշխարհի չեմպիոն, նորվեգացի Մագնուս Կարլսենը, որը եզրափակիչում մրցեց ռուսաստանցի Վլադիսլավ Արտեմևի հետ և երկու մրցախաղերում էլ հաղթեց 2,5։1,5 հաշվով։
«Aimchess US Rapid» մրցաշարը «Meltwater Champions Chess Tour»-ի վերջին փուլն էր։ Բոլոր փուլերի ընդհանուր արդյունքով 8 ուժեղագույները սեպտեմբերին Օսլոյում կպայքարեն «Grand Final»-ի հաղթողի կոչման համար։
«Grand Final»-ին կմասնակցի նաև Լևոն Արոնյանը։