ԵՐԵՎԱՆ, 3 սեպտեմբերի – Sputnuik. Այսօր՝ սեպտեմբերի 3-ին, խոշոր ավտովթար է տեղի ունեցել Արագածոտնի մարզում։ Կան տուժածներ։ Տեղեկությունը հայտնում է shamshyan.com–ը։
«Ժամը 08։50-ի սահմաններում Աշտարակ-Սասունիկ ավտոճանապարհի 1-ին կմ հատվածում բախվել են Ford Transit և УАЗ մակնիշի ավտոմեքենաները։ Վթարի հետևանքով 3 մարդ տեղափոխվել են «Աշտարակ» բժշկական կենտրոն»,–գրում է կայքը։
Նշվում է նաև, որ բախման հետևանքով УАЗ-ը գլխիվայր շրջվել է։
Փաստի առթիվ նյութեր են նախապատրաստվում։
Ոստիկանությունը պարզում է վարորդների և վիրավորների ինքնությունը։