ԵՐԵՎԱՆ, 2 սեպտեմբերի - Sputnik. Ռուսաստանի պաշտպանության նախարար Սերգեյ Շոյգուն խոսել է Պաշտպանության վերահսկման ազգային կենտրոնի մասին, որը վերահսկում է Ռուսաստանի զինված ուժերի կյանքի բոլոր ոլորտները։ Տեղեկությունը հայտնում է ՌԻԱ Նովոստին։
Կենտրոնը վերահսկելու է ռուսական ինքնաթիռների, զորքերի տեղաշարժը, նրանց տեղակայման վայրերում տիրող իրավիճակը։ Նման վայրեր են Սիրիան, Լեռնային Ղարաբաղը և այլն։
«Կենտրոնը բաղկացած է մի քանի մասից: Գլխավորն, իհարկե, ամենօրյա վերահսկողության կենտրոնն է», - ասել է Շոյգուն:
Նշենք, որ 44-օրյա պատերազմից հետո Լեռնային Ղարաբաղում տեղակայվել է ռուսական խաղաղապահ զորախումբ: Բացի այդ Գյումրիում տեղակայված է 102 -րդ ռուսական ռազմակայանը: