ԵՐԵՎԱՆ, 30 օգոստոսի - Sputnik. Ամենայն հայոց կաթողիկոս Գարեգին Բ-ն Մայր աթոռ սուրբ Էջմիածնում կատարել է ուսուցիչների ու դասախոսների օրհնության կարգ։ Տեղեկությունը հայտնում է Մայր աթոռի լրատվական ծառայությունը։
Արարողությանը ներկա են եղել ՀՀ կրթության տեսչական մարմնի ներկայացուցիչներ, մարզային կրթության վարչությունների ղեկավարներ, բարձրագույն ուսումնական հաստատությունների ռեկտորներ, ՀՀ ԶՈւ ռազմակրթական համալսարանների պետեր, Երևանի և մարզերի հանրակրթական դպրոցների տնօրեններ, բազմաթիվ մանկավարժներ:
В Первопрестольном Святом Эчмиадзине прошла церемония благословения работников образования (30 августа 2021). Эчмиадзин
Oրհնության կարգի ավարտին կաթողիկոսը խոսք է հղել, որում կարևորել է մանկավարժների գործը հատկապես երկրի համար այս ծանր օրերին։
«Մեր հայրենիքի կյանքում տեղ գտած վերջին զարգացումները, արցախյան պատերազմը, հայրենիքի ներկայիս ծանր ու անկայուն վիճակը վկայում են, թե որքան մեծ տեղ պետք է տրվի կրթությանը և մրցունակ գիտելիքին մեր կյանքում։ Կրթությունը ամենահզոր զենքն է։ Դարերի ընթացքում մեր ժողովուրդը մաքառել ու գոյատևել է և իր կյանքը կերտել ու վերակերտել է ամբարած գիտելիքի, ճանաչողության ու հմտությունների շնորհիվ։ Այսօր նույնպես հայրենիքի անվտանգությունն ու ապահովությունը պետք է խարսխված լինեն մեր երիտասարդների ձեռք բերած գիտելիքների, ինքնաճանաչողության, հայրենասիրության ու ազգասիրության վրա», - ասել է կաթողիկոսը։
Նա շեշտել է, որ հայ երեխային մատուցվող գիտելիքը և կրթությունը ամուր կերպով հաստատված պիտի լինեն ազգային-ավանդական արժեհամակարգի վրա։
В Первопрестольном Святом Эчмиадзине прошла церемония благословения работников образования (30 августа 2021). Эчмиадзин
«Մեր խնդիրը այսպես կոչված աշխարհաքաղաքացի պատրաստելը չէ, այլ հայրենասեր, բարոյական բարձր հատկանիշներով օժտված, ազգային դիմագիծ ունեցող, ուսյալ, բարեկիրթ անձ և նախանձախնդիր քաղաքացի։ Այս առումով կարևորում ենք ամբողջական ծրագրով «Հայ Եկեղեցու պատմության» պարտադիր դասավանդումը դպրոցում», - ասել է Գարեգին Բ-ն։
В Первопрестольном Святом Эчмиадзине прошла церемония благословения работников образования (30 августа 2021). Эчмиадзин
Կաթողիկոսը կոչ է արել ուսուցիչներին առաջնորդել իրենց սաներին հավատքով։