ԵՐԵՎԱՆ, 26 օգոստոսի - Sputnik. Արցախյան 44-օրյա պատերազմի զոհերի թիվն ավելացել է ևս 4-ով։ Այս մասին այսօր ԱԺ–ում հայտարարեց ՀՀ վարչապետ Նիկոլ Փաշինյանը` հիշեցնելով, որ իր նախորդ ելույթում հնչեցրել էր 3773 թիվը։ Այսօր արդեն այդ թիվը 3777 է։
«Այսօր իմ ասած թվից փոփոխություններ կան, որովհետև այս ընթացքում ԴՆԹ նույնականացումներ են եղել»,– ասաց Փաշինյանը` հավելելով, որ իր հրապարակած թիվը մահվան վկայականներով հաստատված զոհերի թիվն է։
Նա անշեց, որ զոհերից 3702–ը զինվորական, 75` քաղաքացիական անձինք են։ Անհետ կորածների թիվը 243 է։
Հիշեցնենք` օգոստոսի 24-ին Փաշինյանը հայտարարել էր պատերազմի 3773 զոհերի ու 243 անհայտ կորածների մասին։