ԵՐԵՎԱՆ, 24 օգոստոսի – Sputnik. Այսօր` օգոստոսի 24-ին, ավտովթար է տեղի ունեցել Տավուշի մարզում։ Կան տուժածներ։ Տեղեկությունը հայտնում է shamshyan.com–ը։
Նշվում է, որ ժամը 15։30-ի սահմաններում Երևան-Սևան-Իջևան ավտոճանապարհի 124 կմ հատվածում բախվել են Volkswagen և մարդատար ГАЗель մակնիշի ավտոմեքենաները։
Վթարի հետևանքով 6 մարդ բժշկական հետազոտման նպատակով տեղափոխվել են «Իջևան» բժշկական կենտրոն։
Ոստիկանությունը պարզում է վարորդների և վիրավորների ինքնությունը։
Կայքի տեղեկություններով՝ ГАЗель-ը սպասարկում է Վանաձոր-Իջևան երթուղին։