ԵՐԵՎԱՆ, 24 օգոստոսի - Sputnik․ ՀՀ վարչապետ Նիկոլ Փաշինյանն այսօր ԱԺ ամբիոնից հայտարարեց Արցախյան 44-օրյա պատերազմի զոհերի նորացված տվյալները. 3773 զոհեր, 243 անհայտ կորածներ։
Այս տվյալները Փաշինյանը հայտարարեց կառավարության 2021-26թթ–ի գործունեության ծրագրի քննարկման ժամանակ` հավելելով, որ ծրագիրը ներկայացվում է արտառոց բարդ պայմաններում։
«Ակնհայտ է, որ ՀՀ–ը գտնվում է ճակատագրական ու շրջադարձային հանգրվանում, մի կետի վրա, որտեղից շարունակությունը վճռորոշ է լինելու մեր պետության ու պետականության համար»,– ասաց վարչապետը։
Հիշեցնենք, որ արտահերթ ըտրությունների քարոզարշավի ընթացքում, Հանրային հեռուստաընկերության նախընտրական բանավեճի եթերում Փաշինյանը հայտարարել էր, որ այդ պահին պատերազմի զոհերի թիվը 3 705 է, անհայտ կորածներինը`268։