ԵՐԵՎԱՆ, 21 օգոստոսի - Sputnik. Ռուսաստանի մայրաքաղաք Մոսկվայում հայ և ուզբեկ շինարարների միջև ծեծկռտուք է տեղի ունեցել, տեղեկացնում է REN TV-ն։
Կոնֆլիկտը տեղի է ունեցել երեկ գիշեր Մարեսևի փողոցի շինհրապարակում ՝ մետրոյի «Նեկրասովկա» կայարանի մոտ: Ծեծկռտուքին մասնակցել է մոտ 20 մարդ: Իրավապահ մարմինների աշխատակիցները բերման են ենթարկել Ուզբեկստանի յոթ և Հայաստանի երկու քաղաքացու:
Ոստիկանությունը ստուգումներ է անցկացրել: Ծեծկռտուքի հանգամանքներն ու պատճառները պարզվում են: Տուժածների մասին տվյալներ չկան: