ԵՐԵՎԱՆ, 21 օգոստոսի - Sputnik. Վերջին 24 ժամվա ընթացքում Վրաստանում 74 մարդ է մահացել կորոնավիրուսից։ Տեղեկությունը հայտնում է Covid-19-ով վարակվելու դեպքերը վերահսկող ազգային կայքը:
Համավարակի սկզբից ի վեր այս ցուցանիշն ամենաբարձրն է Վրաստանում։
«Վերջին մեկ օրում Վրաստանում կորոնավիրուսային վարակի հայտնաբերված դեպքերի թիվն ավելացել է 4901-ով», - նշված է հաղորդագրության մեջ:
Վրաստանում կորոնավիրուսային մահացությունների առավելագույն ցուցանիշը գրանցվել էր երեկ՝ օգոստոսի 20–ին (մահվան 59 դեպք):
Պատվաստման արշավի սկզբից ի վեր Վրաստանում Covid-19- ի դեմ պատվաստվել է 938 705 մարդ, 28 555–ը` վերջին մեկ օրում։