Ռուսական լրատվամիջոցները, հղում անելով ՌԴ ԱԻՆ Խաբարովսկի երկրամասի գլխավոր վարչությանը, հայտնում են, որ Խաբարովսկի շրջանում Ամուր գետի ջրի մակարդակը հատել է վտանգավոր նշագիծը և հասել 606 սանտիմետրի:
Նշվում է, որ վարարման հետևանքով հեղեղվել են 20 բնակելի տուն, 74 տնամերձ հողատարածք, ավելի քան 1480 ամառանոցային տարածք, 338 հողամաս և 41 ճանապարհային հատված:
Ռուսաստանի ԱԻՆ Խաբարովսկի երկրամասի գլխավոր վարչության ստորաբաժանումների պարեկային խմբերը հերթապահություն են կազմակերպել հիդրոլոգիական իրադրության դիտարկում, բնակչության իրազեկում և պաշտպանություն ապահովելու համար։