ԵՐԵՎԱՆ, 15 օգոստոսի - Sputnik. Առնվազն 20 մարդ զոհվել է, մոտ 80-ը՝ վիրավորվել նավթատար տանկերի վրա տեղի ունեցած պայթյունից։ Պատահարը տեղի է ունեցել Լիբանանի հյուսիս-արևմտյան Աքքարի շրջանում, հայտնում է ՌԻԱ Նովոստին՝ հղում անելով լիբանանյան Կարմիր խաչին։
«Այս պահի դրությամբ 20 մահացած ու 79 վիրավոր կա»,-նշված է կազմակերպության Twitter-յան էջում։
«Ալ Արաբիա» հեռուստաընկերությունը հայտնում է մինչև 100 տուժածի մասին։
Պայթյունի պատճառն առայժմ հայտնի չէ։