ԵՐԵՎԱՆ, 13 օգոստոսի - Sputnik. ԱՊՀ երկրների սահմանապահները համատեղ վարժանք են անցկացրել: Տեղեկությունը հայտնում է Ռուսաստանի Անվտանգության դաշնային ծառայության Կուրգանի և Տյումենի մարզերի վարչությունը։
«2021 թվականի օգոստոսի 10-ից 12-ն ընկած ժամանակահատվածում ԱՊՀ սահմանապահ զորքերի հրամանատարների խորհրդի և Ռուսաստանի Անվտանգության դաշնային ծառայության սահմանապահ ծառայության ընդհանուր ղեկավարության հովանու ներքո «Համագործակցություն-2021» համատեղ հրամանատարաշտաբային վարժանք է անցկացվել, - ասված է հաղորդագրության մեջ:
Զորավարժության ընթացքում մշակվել է արտաքին սահմաններում ճգնաժամային իրավիճակների կարգավորման գործում փոխգործակցությունը։
Վարժանքին մասնակցել են Հայաստանի, Բելառուսի, Ղազախստանի, Ղրղզստանի, Տաջիկստանի, Ուզբեկստանի սահմանապահ գերատեսչությունների, ինչպես նաև Կուրգանի մարզի (ՆԳՆ, ԱԻՆ, ԱԴԾ, Ռոսգվարդիայի) գործադիր իշխանության մարմինները: