ԵՐԵՎԱՆ, 10 օգոստոսի – Sputnik. Քաղպաշտպանության և արտակարգ իրավիճակների համառուսաստանյան գիտահետազոտական ինստիտուտը «փրկարարական քարտերի» ներդրման ստանդարտ է մշակել։ Տեղեկությունը հայտնում է ՌԻԱ Նովոստին։
Քարտերը մեքենաների մասին անհրաժեշտ տեղեկություն են պարունակելու փրկարարների համար։
Մասնագետների խոսքով` արտակարգ ծառայությունների աշխատակիցները պատահարների վայրում արտակարգ օգնություն ցուցաբերելու համար վթարային տրանսպորտային միջոցի մասին անհրաժեշտ տեղեկություն ստանալու հնարավորություն չեն ունենում։
Այդպիսի փաստաթուղթ կդառնա «փրկարարական քարտը», որը ոչ միայն մեքենայի վերաբերյալ անհրաժեշտ տեղեկություններ կպարունակի, այլև խորհուրդներ, թե վթարի դեպքում ինչ գործողություններ կարելի է անել մեքենայի հետ։