Չեխիայի արեւմուտքում գտնվող Միլավիցե բնակավայրի մոտ երկու մարդատար գնացքներ են բախվել։ Մահացել են գնացքների մեքենավարներն ու ուղևորներից մեկը։ Տուժել է 52 մարդ, որոնցից 7-ը ծանր վնասվածքներ են ստացել։
Նախնական տվյալներով՝ վթարը տեղի է ունեցել մեքենավարներից մեկի պատճառով։
Ըստ չեխական ԶԼՄ-ների՝ Դոմաժլիցեի հիվանդանոցը չեղյալ է հայտարարել բոլոր պլանային գործողությունները, որպեսզի տեղ ազատի տուժածների համար: