Արևմտյան Վրաստանում ` Գոմի լեռան վրա, թենիսի գնդակի մեծության կարկուտ է տեղացել։ Տեսանյութը հրապարակել է «Իմեդի» հեռուստաալիքը։
Տեսանյութում երևում է, թե ինչպես են թենիսի գնդակի մեծության կարկուտի հատիկները հաշված վայրկյանների ընթացքում ամբողջությամբ ծածկում լեռը։
«Աստված իմ», - զարմանքից բղավում է տեսանյութը նկարահանողը։
Նշենք, որ արդեն երկրորդ օրն է, որ Արևմտյան Վրաստանում անձրևային եղանակ է։ Նախօրեին հեղեղվել էին Բաթումի փողոցները, ավերվել էին միջազգային նշանակության մի քանի ճանապարհներ: