ԵՐԵՎԱՆ, 23 հուլիսի - Sputnik. Երգչուհի Մաքսիմի (Մարինա Աբրոսիմովա) առողջական վիճակում դրական տեղաշարժ կա։ Ուրախ լուրը Instagram-ի իր էջում հայտնել է երգչուհու ներկայացուցիչ Մարգարիտա Սոկոլովան։
«Կարող եմ հստակ ասել, որ Մարինայի վիճակում բարելավում կա։ Նրանով զբաղվում է բժիշկների աստղային կազմը։ Գերազանց պայմաններ են, գերժամանակակից սարքավորումներ։ Ոչ մի կասկած չկա, որ ամեն ինչ լավ է լինելու», - գրել է նա։
Նա նշել է, որ երգչուհու օրգանիզմը բավականին թուլացել է, «բայց այն, որ շարժվում են դեպի բարելավում, այլ ոչ թե վատթարացում, այսօրվա դրությամբ փաստ է»:
«Իհարկե, ամենայն հավանականությամբ, շատ երկարատև բուժման և վերականգնման փուլեր կլինեն», - հավելել Է Սոկոլովան:
Երգչուհի Մաքսիմի վիճակը ծանր է. նրա առողջության մասին նոր մանրամասներ են հայտնի դարձել
Հիշեցնենք, որ երգչուհուն հոսպիտալացնելու մասին հայտնի դարձավ հունիսի 16-ին։ Սոցցանցերի իր էջերում նա պատմել էր, որ դեռ հունիսի 11-ին իրեն վատ է զգացել, սակայն COVID-19-ի թեստը բացասական է եղել:
Ավելի ուշ հայտնի դարձավ, որ բժիշկները ստիպված են եղել նրան գցել արհեստական կոմայի մեջ։
Երգչուհի Մաքսիմի վիճակը կրկին վատացել է. նրա թոքերում թարախաբորբոքային պրոցես է սկսվել