ԵՐԵՎԱՆ, 20 հուլիսի - Sputnik. Արարատի մարզում ողբերգական դեպք է տեղի ունեցել. արտադրամասում 23-ամյա երիտասարդի դի են հայտնաբերել։ Տեղեկությունը հայտնում է shamshyan.com–ը։
Ըստ կայքի` հուլիսի 19–ին` ժամը 09:20-ի սահմանում, ոստիկանության Արարատի բաժինը «Արարատ» բժշկական կենտրոնից ահազանգ է ստացել, որ շտապօգնության բժիշկների հերթապահ խումբը կանչով մեկնել է Արարատ գյուղի Շիրազի 36 հասցեում գործող «Եվրոբլոկի» արտադրամաս, որտեղ հայտնաբերել են երիտասարդ տղայի դի:
Դեպքի վայր մեկնած ոստիկանները պարզել են, որ նույն օրը՝ ժամը 09:00-ի սահմանում, նշված արտադրամասում «Եվրոբլոկ» արտադրող սարքը աշխատեցնելու ժամանակ Արարատ քաղաքի բնակիչ, 23-ամյա Արամ Հարությունյանը անզգուշաբար հոսանքահարվել և տեղում մահացել է:
Կոտայքում 33-ամյա կնոջը հրել, գցել են լողավազանը, նա մահացել է հիվանդանոցի ճանապարհին
Փաստի առթիվ ոստիկանության Արարատի բաժնի հետաքննական բաժանմունքում նյութեր են նախապատրաստվում: Հետաքննիչի որոշմամբ` նշանակվել են մի շարք փորձաքննություններ, այդ թվում՝ դիակի դատաբժշկական։
37-ամյա տղամարդը մեքենան կայանել է Նոր Հաճնի կամրջին և նետվել