ԵՐԵՎԱՆ, 18 հուլիսի - Sputnik. Սպիտակաձավարի շիլան կամ վարսակի փաթիլները չարժե երեսուն աստիճան շոգին կաթով պատրաստել: Sputnik ռադիոկայանին տված հարցազրույցում նման կարծիք է հայտնել բժիշկ-սննդաբան Նուրիա Դիանովան։
Դիանովան նշել է, որ սննդակարգը պետք է փոխել՝ կախված եղանակից։ Օդի բարձր ջերմաստիճանի դեպքում մարդը սովորաբար այնքան քանակի սննդի կարիք չունի, որքան սովորական պայմաններում։
Սակայն որոշ ճաշատեսակներից, օրինակ, նախաճաշին սպիտակաձավարից հետո, արագ քաղցի պատրանք է առաջանում։
«Շոգի պայմաններում այնպիսի յուրահատուկ պահ կա, որ դուք կարող եք կրկին ուտել ուզել, բայց սնունդը «չի մտնի»,– նշել է դիետոլոգը:
Նա պարզաբանել է, որ ստիտակաձավարի շիլան շատ արագ յուրացվում է օրգանիզմի կողմից։ Բայց ցանկացած այլ հացահատիկ մի փոքր դանդաղ է վերամշակվում, համապատասխանաբար, հագեցվածության զգացումը ավելի երկար է մնում:
Մեկ այլ առաջարկ է շոգ եղանակին շիլաները կաթով չպատրաստել։
«Ամռանը միշտ կա ռիսկ, որ կաթով շիլան ավելի արագ կփչանա, քան ջրովը»,– հստակեցրել է նա:
Արագ, համեղ, կշտացնող․ թեթև նախաճաշի 5 լավագույն տարբերակ
Շոգ եղանակին նախաճաշի լավագույն ընտրությունը կլինի ջրով շիլան թարմ մրգերով ու հատապտուղներով:
«Պետք է անպայման մրգեր ու հատապտուղներ ավելացնել», - խորհուրդ է տվել սննդաբանը:
Քանի որ հիմա մրգերի ու հատապտուղների սեզոն է, պետք է ավելացնել հենց թարմ մրգեր, ոչ թե չրեր։