ԵՐԵՎԱՆ, 14 հուլիսի - Sputnik. Ավակովը ուկրաինական քաղաքականության երկարակյացներից ու նշանակալի դեմքերից մեկն ասաց Արման Աբովյանը։
«Նրա հրաժարականը, ավելի քան համոզված եմ, պայմանավորված չէ գործոններով, որոնք կարող են նրան քաղաքական մոռացության մատնել։ Ամենայն հավանականությամբ, դա նոր, բավական լուրջ գործընթացների սկիզբ է», – ասաց Աբովյանը։
Նա պատահական չի համարում, որ հրաժարականը հետևեց Վլադիմիր Պուտինի մեծ հոդվածին, որտեղ վերջինս բավական մեծ հատված էր հատկացրել Ուկրաինային։
«Ավակովը թվացյալ ոչ միանշանակությամբ շատ պրագմատիկ և խելացի քաղաքական գործիչ է, որը կարողացել է բավական լուրջ կապեր պահպանել Ռուսաստանում»,– ասաց Աբովյանը։
Միևնույն ժամանակ հայրենիքում Ավակովը կարողացել է իր ենթակայության տակ գտնվող կառույցների, Ուկրաինայի ներքաղաքական իրողության մեջ շարժող ուժ հանդիսացող ոչ պետական ընկերությունների համակարգ ձևավորել։
Ըստ պատգամավորի` աշնանը բավական լուրջ փոփոխություններ են սպասվում` հաշվի առնելով Զելենսկու քաղաքականությից ուկրաինացիների մեծ մասի դժգոհությունները։ Եվ Ավակովի հրաժարականը շատ հստակ քայլ էր։
Պուտինը Ուկրաինայի մասին հոդված է գրել, որը հրապարակվել է Կրեմլի կայքում
Վլադիմիր Պուտինի` «Ռուսների և ուկրաինացիների պատմական միասնության մասին» հոդվածը հրապարակվել է Կրեմլի կայքում։ ՌԴ նախագահն ընդգծել է, որ իր տեքստի հիմքում ոչ թե որևէ գաղտնի փաստաթղթեր են ընկած, այլ փաստեր, որոնց ապացույցը կարելի է գտնել բաց աղբյուրներում։ Հոդվածը հրապարակվել է երկու լեզուներով` ռուսերեն և ուկրաիներեն։