ԵՐԵՎԱՆ, 12 հուլիսի – Sputnik. Թուրքիայի նախագահ Ռեջեփ Թայիփ Էրդողանը սադրանք է անվանել Ստամբուլի Քադըքյոյ թաղամասում հայկական Սուրբ Թագավոր եկեղեցու պատին պարեր կազմակերպած տղամարդկանց հետ կապված միջադեպը:
«Կրոնի նկատմամբ անհարգալից վերաբերմունքը, որը դրսևորվել է Քադըքյոյի եկեղեցու (Սուրբ Թագավոր,–խմբ.) մոտ, ես գնահատում եմ որպես սադրանք՝ ուղղված մեր միասնության դեմ», - ասել Է Էրդողանը Twitter-ում հրապարակված տեսաաուղերձում։
Ավելի վաղ թուրքական ԶԼՄ-ները հայտնել էին, որ հուլիսի 11–ի լույս 12–ի գիշերը մի խումբ երիտասարդներ պարել են եկեղեցու պատերին: Խաչի ֆոնին պարող հարբած տղամարդկանց հետ տեղի ունեցած միջադեպի տեսանյութը տարածվել է սոցցանցերում։
Ստամբուլի վարչակազմը հայտնել է միջադեպի մասնակիցների ձերբակալության մասին, նրանց համար խափանման միջոց է ընտրվել տնային կալանքը։
Այցելություն Շուշի առանց «Գորշ գայլերի». արդյոք «Ստամբուլն» Էրդողանի համար գերեզման կդառնա