Ան-26-ի անձնակազմը դադարել է կապի դուրս գալ հուլիսի 6-ի առավոտյան։ Կամչատկայի Պետրոպավլովսկից Պալանա չվերթ իրականացնող օդանավում եղել է 28 մարդ՝ անձնակազմի վեց անդամ և 22 ուղևոր, այդ թվում՝ երկու անչափահաս և Պալանայի ղեկավար Օլգա Մոխիրյովան: Նախնական տվյալով՝ բոլորը մահացել են։
Քննչական կոմիտեն վթարի մի քանի վարկած է ուսումնասիրում՝ եղանակային անբարենպաստ պայմաններ, տեխնիկական անսարքություն կամ օդաչուական սխալ։
Կամչատկայի իշխանությունները ենթադրում են, որ օդանավը կործանվել է վայրէջք կատարելուց առաջ երկրորդ շրջանը կատարելիս։ «Կամչատկայի ավիացիոն ձեռնարկություն» ընկերության փոխտնօրեն Սերգեյ Գորբն ասել է, որ ինքնաթիռի կործանման հնարավոր պատճառը կարող էր լինել ուժգին կողային քամին: