ԵՐԵՎԱՆ, 4 հուլիսի – Sputnik. «Tech week Արցախ 2021» տեխնոլոգիական միջոցառման կազմակերպման նպատակն Արցախում և ՀՀ–ում հետպատերազմյան տրամադրությունը փոխելն է՝ ցույց տալու համար, որ կյանքը շարունակվում է։ Միջոցառման մեկնարկին ասել է Արցախի պետական նախարար Արտակ Բեգլարյանը` տեղեկանում ենք Արցախի կառավարության ֆեսյբուքյան էջից։
«Հաջորդ նպատակն է խթանել Արցախ այցելությունները և վիրավոր Արցախին աջակցելու գործնական ջանքերը: Երրորդ նպատակը, անշուշտ, Արցախում տեղեկատվաղական տեխնոլոգիաների ոլորտի զարգացումն է՝ բարենպաստ պայմաններ ապահովելով տեղում համապատասխան կրթական ու գործարար ծրագրերի իրագործման համար»,–ասել է Բեգլարյանը:
Նշենք, որ «Tech week Արցախ 2021» համաժողովին մասնակցում են ոլորտի շուրջ 1500 մասնագետներ ու հետաքրքրված անձինք, որից ավելի քան 400-ը ժամանել են ՀՀ-ից, ներառյալ՝ բնագավառի կայացած ընկերությունների ներկայացուցիչներ:
Հիշեցնենք, որ միջոցառումը կտևի մինչև հուլիսի 5-ը։