Ակցիայի մասնակիցները սկզբում փորձում էին ճեղքել ոստիկանական պատնեշը, այնուհետև սկսեցին շենքի ուղղությամբ քարեր նետել։ Քարերի մի մասը դիպել է լրագրողներին։
«Թբիլիսի Փրայդ» ՀԿ–ն սեռական փոքրամասնություններին համերաշխություն ցուցաբերելու շաբաթ էր կազմակերպել, որը պետք է ավարտվի հուլիսի 5-ին մայրաքաղաքի կենտրոնում՝ «Արժանապատվության երթով»։
Ոստիկանությունը հայտնել է 11 ձերբակալվածների մասին։ Ավելի վաղ Վրաստանի ՆԳՆ–ն հայտարարել էր, որ միջոցներ կձեռնարկի հուլիսի 1-ին նախատեսված միջոցառումների անվտանգ անցկացումը, կարգուկանոնն ու ազատ արտահայտման իրավունքն ապահովելու համար։
«Թբիլիսի Փրայդի» դեմ են հանդես գալիս պահպանողական արմատական կազմակերությունները, որոնք պահանջում են արգելել «Արժանապատվության երթը», հակառակ դեպքում սպառնում են ձախողել միջոցառումը։
Վրաստանում պարետային ժամն ու դիմակների պարտադիր կրումը չեղյալ է հայտարարվում