ԵՐԵՎԱՆ, 1 հուլիսի – Sputnik. «Աշխատանք առանց սահմանների» միասնական որոնման համակարգը, որը թույլ է տալիս տեղեկություն ստանալ թափուր աշխատատեղերի և աշխատանք փնտրողների մասին ԵԱՏՄ բոլոր երկրներում, կգործարկվի 2021 թվականի հուլիսի 1-ից։
Ստեղծվող որոնողական համակարգը թույլ կտա ազատ աշխատատեղերի և աշխատանք փնտրողների մասին տեղեկություն ստանալ։ Թափուր տեղերի մասին տեղեկությունը զետեղված է ԵԱՏՄ անդամ պետությունների` աշխատանքի տեղավորման և զբաղվածության ոլորտի տեղեկատվական համակարգերում։
Արդյունքում համակարգից օգտվողներին` աշխատանք փնտրողներին և գործատուներին, հնարավորություն կընձեռնվի ընտրել միության մեկ կամ մի քանի երկրներ, որոնց տարածքում անհրաժեշտ է աշխատանք կամ աշխատակազմ գտնել, ազգային տեղեկատվական համակարգերի նկատմամբ ունիվերսալ որոնում ձևավորել, հասանելիություն ստանալ թափուր աշխատատեղերի և ինքնակենսագրականների նկատմամբ, ինչպես նաև ինտերակտիվ փոխգործակցության հնարավորություն տրամադրել։
Աշխատանք առանց սահմանների. ԵԱՏՄ-ում միգրանտների համար նոր հնարավորություններ են ստեղծվում
Նախագիծն ուղղված է միության շրջանակում թվային գործիքների օգնությամբ աշխատաշուկայի փոխգործակցությունն ապահովելուն, ինչպես նաև ԵԱՏՄ բոլոր երկրներում աշխատատեղերի և ինքնակենսագրականների որոնման հնարավորությունների ավելացման հաշվին ազգային տեղեկատվական համակարգերի հնարավորությունների ընդլայնմանը։